Languages

  • Eng
  • Рус
  • Uzb

Abituriyentlar arizani masofali ravishda berishi mumkin

Uzbek

O‘zbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi va “UZINFOCOM” yagona integratori hamkorligida abituriyentlarga oliy o‘quv yurtlariga Yagona interfaol davlat xizmatlari portali orqali onlayn tartibda ariza berish imkonini yaratuvchi yangi elektron xizmat sinovdan o‘tkazilmoqda (www.my.gov.uz).

O‘zbekiston Respublikasi Prezidenti huzuridagi Loyiha boshqaruvi milliy agentligi ma’lumotlariga ko‘ra, yangi elektron xizmat abituriyentlar va ularning qarindoshlarining oliy o‘quv yurtlariga hujjat topshirishni uzoq navbat kutishlarsiz, ularning vaqt va moliyaviy xarajatlarisiz amalga oshirish imkonini beradi. Bunda mamlakatning turli hududlarida yashovchi, Toshkentdagi oliy o‘quv yurtlariga kirish istagidagi abituriyentlar poytaxtga shaxsan hujjatlarni taqdim etish uchun kelishi kerak bo‘lmaydi. Buning uchun test sinovlariga kirish uchun ariza berishning qulay, tez va ishonchli mexanizmi yaratiladi.

Yangi elektron xizmat hujjat topshirishning an’anaviy usuliga nisbatan qator afzalliklarga ega. Xususan, abituriyentning shaxsiy ma’lumotlarini to‘ldirish avtomat tartibda muassasalararo o‘zaro elektron harakatni tashkil etish yo‘li bilan amalga oshiriladi. Shuningdek, abituriyentga bir vaqtning o‘zida uchta oliy o‘quv yurtiga hujjat topshirish imkoni beriladi. Buning uchun Yagona interfaol davlat xizmatlari portali tegishli ikkinchi va uchinchi oliy o‘quv yurtlari va o‘quv yo‘nalishini avtomatik tartibda tavsiya qiladi, bu oliy o‘quv yurti va o‘quv yo‘nalishini tanlashga sarflanadigan vaqtni qisqartiradi. Bundan tashqari, yoshlar test sinovlaridan o‘tish uchun joyni mustaqil ravishda tanlashi mumkin bo‘ladi.

Yagona interfaol davlat xizmatlari portalida interfaol xizmat ko‘rsatishni yo‘lga qo‘yish tegishli taomilni boshqaruvchi me’yoriy hujjat tasdiqlangandan so‘ng amalga oshirilishi ko‘zda tutilgan.

Ushbu xizmat yo‘lga qo‘yilgach, onlayn tartibda mamlakat oliy o‘quv yurtlariga kirishga hujjat topshirish uchun batafsil yo‘riqnoma chop etiladi, deyiladi O‘zA xabarida.

Inspeksiya yangiliklari

O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat...

O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat...

Radiochastota  spektrini nazorat qilish bo‘yicha vakolatli organ “EMMM” DUKning Andijon viloyati...

Soha yangiliklari

O`zbekiston Respublikasi Prezidentining 2018 yil 21 noyabrdagi “Axborot texnologiyalari va...

Davlat aloqa inspeksiyasi mualliflik va turdosh huquqlar buzilmasligi yo‘lida davlat organlari va...

Chexiya axborot xavfsizligi va kiberxavfsizlik xizmati mamlakat Tashqi ishlar vazirligi...

E'lonlar

2019 yil 23 oktyabr soat 02:00 dan 03:00 ga qadar “Unitel” MCHJ mobil aloqa operatori tomonidan SMS-...

2019 йил 10 октябр соат 00:00 дан 06:00 га қадар “Unitel” МЧЖ мобил алоқа оператори томонидан Фарғона шаҳрида транспорт тармоғини модернизация ва оптимизация...

“UMS” МЧЖ мобил алоқа оператори томонидан 2019 йил 09 октябрда соат 00:00 дан 06:00 га қадар маълумотларни пакетли узатиш тармоғида дастурий таъминотни янгилаш...